Pages

Subscribe Twitter Facebook

د "پښتو ادب او امن" نومې کتاب چاپ شو


"پښتو ادب او امن" کتاب چاپ شو
رحمت ديوان

په کوئټه کې د پښتو ادبي ملګرو او کوهار ريسرچ انسټيټيوټ له خوا د اپرېل په ٢١مه او ٢٢مه نېټه کال ٢٠١٠ء د "پښتو ادب او امن" په نوم يو دوه ورځنى کانفرنس د S P O په تعاون سره جوړ شوى وو، چې پکې د لرې او برې پښتونخوا نه په ګڼ شمېر شاعرانو، ليکوالانو او پوهانو ګډون کړى وو.
په دې کانفرنس کې چې کومې مقالې اورول شوې وې، هغه دادى د "پښتو ادب او امن" سر ليک لاندې په کتابي بڼه کې چاپ شوې. د دې کتاب مرتبين عارف تبسم، ارسلا خان کاکړ او سلطان زخپېل دي.
په کتاب کې د ښاغليو سعيد ګوهر، سليم راز، طاهر اپريدي، سيد خېر محمد عارف، اسير منګل، سليم بنګښ، فاروق سرور، محمود اياز، ډاکټر عبدالروف رفيقي، ډاکټر علي کمېل قزلباش، شوکت ترين، خليل باور، مولانا امير زمان، برکت شاه مبارک، ډاکټر محمد شفيق، شمس تمانخېل، جمال الدين مسافر او رشيد حقمل مقالې شاملې دي. له دې پرته په کتاب کې د ارسلا خان کاکړ او سيد خېر محمد عارف خپلې خبرې هم شاملې دي.
د کتاب تړون يې په پنځم مخ باندې داسې کړى: "د امن د هلو ځلو په نوم".
دا کتاب په ښکلي کاغذ مجلد چاپ شوى دى. کمپوزر يې حافظ رحمت نيازي، شمېر يې پنځه سوه او بيه يې يو نيم سل روپۍ ده. د کتاب خورونکي پښتو ادبي ملګري بوري لورالايي او کوهار ريسرچ انسټيټيوټ لورالايي دي. د پښتونخوا د هر کتابتون نه يې ترلاسه کولاى شئ.

0 comments:

Post a Comment

ډېر ځل کتل شوي

Blog List

په دې سايټ کې ځان شريک کړئ